#Юл һәлакәтләре111 29 март 2018, 08:51

Яшел Үзәндә янган фураның йөртүчесе ут капканда кабинада йоклаган булган

29 март 2018, 08:51

Яшел Үзән районында янган фураның йөртүчесе ут капканда кабинада йоклаган булган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Скопировать ссылку

Кичә төнлә М7 юлының 890нчы километрындагы автотукталышта Рязань, Вологодск өлкәләре һәм Мордовиядән берьюлы өч зур йөк машинасы янган. дип яза агентлык.

Урынга 60, 43нче янгын сүндерү-коткару частьләре, Тура авылы янгын сүндерүчеләре, медиклар, полицейскийлар һәм дознавательләр килгән.

18 минуттан 27 квадрат метр мәйданны биләгән янгын сүндерелгән.

Казан республика клиник хастаханәсенә “Даф” йөк машинасын йөртүче озатылган. Фураның йөртүчесе ут капканда кабинада йоклаган булган. Ул янгын сүндеүчеләр килгәнче автомобиль кабинасыннан чыккан, әмма тәненең 30 проценты пешкән.

http://matbugat.ru/