«Әдәби атнакич» мәдәни проектының икенче сезоны тәмамланды

Татарстан Язучылар бер-легенең Әлмәт бүлеге нефть компаниясенең хәйрия фонды белән берлектә «Әдәби атнакич» мәдәни проектын 2024 елның ноябреннән бирле тормышка ашырып килә. «Рухият» җи-тәкчесе Алинә Мостафина үз чыгышында «Әдәби атна-кич»нең төбәкнең мәдәни тормышындагы мөһим урын алып торуын билгеләп үтте.

«Проект талантлы ша-гыйрьләрне, язучыларны, ком-позиторларны берләштерә, укучыларны, тамашачыларны аларның иҗатлары белән якыннанрак таныштыра. Ә монда, паркта, агачлар шаулавы арасында, ачык һавада очрашуның үзенең бер тылсымы бар. Һәр җыр, һәр шигырь табигать кочагында үзенчә яңгырый – иркенрәк, күңеллерәк», – диде А. Мос-тафина.

Чараны журналист, алып баручы, җырчы Ләйсән Галиева һәм Әлмәт татар дәүләт драма театрының җырчы артисты Фаил Сафиуллин алып бардылар. Концерт программасы Клара Булатова, Нур Әхмәдиев, Энҗе Мөэминова кебек инде бакыйлыкка күчкән шагыйрьләрнең мәңге онытылмас җырлары белән башланып китте.

Әлмәт Язучылар оешмасы җитәкчесе Равил Сабыр төрледән-төрле проектларны тормышка ашыруда кулга-кул тотынып эшләгән нефтьчеләргә, шәһәр администрациясенә, Әлмәт татар драмтеатрына, китапханәләргә һәм башка. партнёрларга зур рәхмәтен белдерде. Ул шулай ук өч иҗатчыга – Марсель Гариповка, Гөлчәчәк Садретдиновага һәм Резеда Хәертдиновага «Габдулла Тукайның тууына 140 ел» истәлекле медале белән бүләкләнүләре турындагы дипломнарны тапшырды. Язучылар бу дәрәҗәле бүләккә татар әдәбиятын үстерүгә, пропагандалауга керткән зур өлешләре, иҗади хезмәтләре, Татарстан Язучылар берлеге үткәргән чараларда актив һәм нәтиҗәле катнашканнары өчен лаек булдылар.

Концерт программасына барлыгы 25 җыр кертелгән иде, аларны 15 җырчы һәм «Кәләем» ансамбле башкарды. Яңгыраган җырларның күбесен – «Шушы яктан, шушы туфрактан без», «Бәхет төне», «Бәхетем син минем» һәм башкаларны тамашачылар сәхнәдәге артистлар белән бергә җырладылар.

«Әдәби атнакич» мәдәни проектының өченче сезоны көз көне ачылыр дип көтелә.

 Резеда Шәмсуллина

Фото авторныкы