Белгечләр телевизордагы аналоглы һәм цифрлы телетапшыруларны аера белергә өйрәтте

 3 июньдә Татарстан бөтен ил белән бергә заманча цифрлы телевидениегә күчә. Һәркем телевизордан 20 федераль телеканалны цифрлы форматта бушлай карый алачак. Телевизор цифрлы телетапшыруларны кабул итсен өчен аны көйләү мөһим.

Әгәр экранда "А" хәрефе язылган икән, бу – аналоглы телевидение.

Цифрлы телетапшыруга күчүнең берничә ысулы бар. Телевизор DVB-T2 стандартын кабул итсә, аңа антенна тоташтырырга кирәк.

Элегрәк чыккан телевизор булып, ул әлеге стандартта эшләмәсә, аңа антенна һәм цифрлы сигналны да кабул итә торган махсус җиһаз – приставка таләп ителә. Бу приставкага антеннаны да, телевизорны да тоташтырасың.

Әгәр телевизор экранында “А” хәрефе юк икән, димәк, инде цифрлы телевидение карыйсыз. Өстәмә җиһазлар таләп ителми.

Кайнар линия телефоны 8-800-220-20-02.

Фото: Т.Волкова рәсеме

Бу хакта тулырак: https://tatar-inform.tatar/news/2019/03/05/181856/