Күршесен мәсхәрәләгән әлмәтлене хөкем иттеләр

Судта  6 сентябрьдә 10.20 сәгатьтә пенсионерның Әлмәттәге бер йортның баскыч мәйданчыгында булганда, күршесе белән әрләшкәндә, аның адресына мәсхәрәле сүзләр  белән кычкыруы ачыклана.

Әлмәтле суд утырышына килми, эшне үзеннән башка  карап тикшерүне үтенә, ул үзенең административ хокук бозуын тулысынча таныган.

Эш материалларын өйрәнеп, административ җаваплылыкны йомшартучы хәлләрне исәпкә алып, гражданка кылган административ хокук бозуның характерын, шәхеснең, аның мөлкәти хәлен исәпкә алып, җәмәгать судьясы карары белән пенсионер ханым административ хокук бозуда гаепле дип танылды һәм дәүләт кеременә 3000 сум күләмендә административ штраф рәвешендә административ җәзага тартылды, дип хәбәр итә судның матбугат хезмәте.