Әлмәт районында Азнакай ягына вакытлы күпер төзеләчәк

Турыдан-туры эфир вакытында бу хакта Әлмәт районы башлыгы Тимур Нагуманов хәбәр итте.  «Главтатдортранс» автомобиль юлларын һәм күпер корылмаларын ремонтлау, карап тоту идарәсе башлыгы урынбасары Эдуард Данилов белән Азнакай ягына Зәй елгасы аша вакытлыча күпер турында сүз барганын хәбәр итте.

"Күпер өчен 26 мең куб. грунт кирәк иде. Подрядчы шушы көннәрдә аны ремонт урынына китерәчәк. Вакытлыча күпер полотносы әзер, свайлар шулай ук сатып алынган һәм мәйданчык янында урнашкан. Хәзерге вакытта подрядчы җир катламын һәм вакытлыча капламаларны урнаштыру буенча проектантлардан соңгы техник чишелеш көтә. Кызганычка каршы, килешү һәм барлык исәп-хисаплар билгеле бер вакытны ала. Хәзер кирәкле материалларның бөтен күләме бар. Якын көннәрдә проект чишелешләре булсын һәм подрядчы вакытлы күпер төзүгә керешсен өчен эш алып барыла», - дип хәбәр итте район башлыгы.