Пилотсыз системалар гаскәрләрендә: Татарстанда хәрбиләргә 2,9 млн сумга кадәр түләүләр белән контракт төзергә тәкъдим итәләр

Казандагы хәрби комиссариатның сайлап алу пункты офицеры Виктор Никитин «Татар-информ» агентлыгына Пилотсыз системалар гаскәрләрендә хезмәт итүче контрактчыларның түләүләре турында сөйләде.

Хәрбиләргә ике вазифаи оклад күләмендәге айлык өстәмә, махсус хәрби операция зонасында булганда көндәлек тулаем түләү, шулай ук РФ Саклану министрлыгыннан 400 мең һәм Татарстан бюджетыннан 2,5 млн сум күләмендә бер тапкырлык ярдәм бирелә.

«Шулай ук, дошман техникасын юк иткән өчен 5 меңнән 500 мең сумга кадәр бүләк, актив сугыш гамәлләрендә катнашкан өчен түләүләр, ә тупланма-ипотека системасы аша торак алу мөмкинлеге бар», – дип өстәде офицер.

Бу гаскәрләрдә контракт шартлары кайбер үзенчәлекләргә ия. Хезмәт итү вакыты автомат рәвештә озайтылмый, контракт минимум бер елга төзелә, ә хәрбине башка берәмлеккә күчермиләр. Өйрәту Татарстанда һәм күрше төбәкләрдә ике ай дәвам итә.

Яңа төр гаскәрләр хакында ноябрь аенда Пилотсыз системалар гаскәрләре башлыгы урынбасары Сергей Иштуганов хәбәр иткән иде. Алар җирдә, диңгездә һәм һавада пилотсыз аппаратлар белән эшлиләр.

Татарстанда контрактка керергә теләүчеләр өчен 117 номеры аша элемтә каналы ачылган. Шулай ук, heroes-tatarstan.ru сайтында мәгълүмат алырга, Казандагы Контракт буенча сайлап алу пунктына (Аэропорт ур., 1/40) мөрәҗәгать итергә, 8 800 222 59 00 (түләүсез) яки 117 телефоннарга шалтыратырга мөмкин.

1 гыйнвардан Татарстанда хәрби контрактка керүчеләргә түләүләрне 2,9 млн сумга кадәр арттырдылар, бу – ил буенча иң югары күрсәткечләрнең берсе. Шулай ук, төбәктә махсус хәрби операциядә катнашучылар өчен 3 меңгә якын ярдәм чарасы эшли.