Олег Морозов: Түбән Каманың киләчәге бөтен Россия үсешенә бәйле

«Татар-информ» агентлыгына биргән интервьюсында Дәүләт Думасы депутаты Олег Морозов Түбән Каманың алга таба үсеше республикабыз һәм бөтен илнең социаль-икътисади халәтенә турыдан-туры бәйле булуын ассызыклады.

Парламентарий фикеренчә, Россия икътисадының үсүе, Үзәк банкның төп ставканы киметүе һәм эшмәкәрлек өчен уңай шартлар тудырылу яңа проектларга бүленә торган акча күләмен арттырачак. Мондый икътисади шартларда илнең нефть химиясе үзәге саналган Түбән Кама төп файда күрүчегә (бенефициарга) әвереләчәк.

Шулай ук Олег Морозов сентябрь аенда узачак сайлауларда кабаттан депутатлык мандатына дәгъва кылачагын раслады. Ул үзенең сайлау алды программасын халыкның теләк-тәкъдимнәренә һәм көндәлек ихтыяҗларына таянып формалаштыра. Якын арада депутат «Түбән Кама нефтехим» предприятиесе коллективы белән очрашу үткәрәчәк, әлеге чарада ул завод хезмәткәрләреннән күп санлы яңа наказлар кабул итеп алырга планлаштыра.