Блокчейн — хәләл сыйфат гаранты: Татарстанда яңа пилот проекты

Татарстан Республикасы хәләл стандартларына җавап биргән продуктларның чынлыгын тикшерү һәм күзәтү максатыннан блокчейн технологияләрен гамәлгә кертү буенча тәҗрибә проектында катнаша. Бу хакта «Казанфорум» мәйданчыгында ТР авыл хуҗалыгы министры урынбасары Дмитрий Яшин хәбәр итте.

Яңа технология Халыкара стандартлаштыру һәм сертификацияләү үзәге белән берлектә ике кошчылык комплексында уңышлы сынаулар узды. Хәзер кулланучылар продукттагы QR-кодны смартфон аша сканерлап, аның тулы тарихын — терлек азыгыннан башлап, кош-корт үстерү, логистика һәм эшкәртү этапларына кадәр — ачык күрә алачак.

«Бу — фальсификациягә каршы фәнни нигезләнгән адым, һәм без бу уңай тәҗрибәне киңрәк кулланырга әзер», — дип ассызыклады Дмитрий Яшин.

Татар-информ