Югары суд Татарстан Росреестрының элеккеге башлыгына хөкем карарын йомшартты

"Татар-информ" язганча, Зәйдуллина муниципаль җир кишәрлекләрен чикләнмәгән вакытка файдалануга тапшыруга фиктив килешүләр төзүдә катнашкан. Шул ук вакытта схемада төрле функцияләрне башкаручы тагын берничә кеше катнашкан – документлар әзерләүдән һәм теркәүдән алып ришвәт бирүгә кадәр.

Суд 2021 ел башында ук старт алды һәм дүрт елдан артык вакыт узгач кына, 2025 елның июнендә, ахыргы карар чыгарылды. Гаепләнүчеләргә 3,5 дән 17 елга кадәр ирегеннән мәхрүм итү сроклары билгеләнгән. Тагын берничә кеше шартлы җәза алды.

2026 елның 24 мартында хөкем карары яңадан каралды. Зәйдуллинаның срогын 4 елдан 3 ел 8 айга кадәр йомшарттылар. Башка гаепләнүчеләргә җәзаны үтәү срогы шулай ук берничә айга киметелде.