Татарстан укучылары укудагы уңышлары өчен 50 мең сум ала алачак

Татарстаннан 5-11 сыйныф укучылары математика, физика һәм химияне өйрәнүдәге уңышлары өчен 50әр мең сум грант ала алачак. Бу хакта «Татар-информ» да узган матбугат конференциясендә Талантлар университеты җитәкчесе Адилә Әхмәтова хәбәр итте.

"Физик-математик алга китеш - ул Россия Федерациясенең башка бер генә төбәгендә дә булмаган уникаль мөмкинлек. Һәм 1 апрельдән гариза бирү кампаниясе старт ала", - дип билгеләде Әхмәтова.