Әгерҗедә 500 урынлык мәктәпне 701 млн сумга төзиячәкләр

Әгерҗедә яңа мәктәп сафка басачак. Проектның кирәклеге 1936 елда төзелгән 1 нче гимназия бинасының авария хәлендә булуы белән бәйле. Тендер турындагы белешмәләр дәүләт сатып алулары сайтында бастырылган.

Мәктәп янында шулай ук мәгариф, спорт һәм мәдәни-ял итү инфраструктурасы булган күп функцияле үзәк төзү планлаштырыла. Мәктәп һәм үзәк төзелешенең гомуми бәясе 1,3 млрд сум тәшкил итәчәк.

Проект буенча подрядчы итеп «Татарстан Республикасының Баш инвестиция-төзелеш идарәсе»дәүләт казна учреждениесе билгеләнде, дип яза «Татар-информ».