Рөстәм Миңнеханов Чаллыга эш визиты белән килде

Төп игътибар сәнәгатьне үстерүгә, инновацион технологияләр кертүгә һәм социаль инфраструктураны яхшыртуга бирелде. Визитның төп вакыйгаларыннан берсе «КАМАЗ»  күперләр җитештерү заводын ачу булды. Тантанада РФ хөкүмәте вәкилләре һәм «Ростех» дәүләт корпорациясе җитәкчеләре катнашты.

Шулай ук беренче КАМАЗ йөк автомобилен чыгаруга 50 ел тулуга багышланган чара оештырылды, анда федераль һәм республика дәрәҗәсендәге җитәкчеләр, шулай ук предприятие вәкилләре катнашты.

Моннан тыш, шәһәргә нигез салынуга 400 ел тулуны һәм беренче КАМАЗ йөк автомобиле чыгарылуга 50 ел тулуны бәйрәм итүгә әзерлек белән шөгыльләнүче оештыру комитеты утырышы булды. Очрашу барышында юбилей чараларын оештыру мәсьәләләре буенча фикер алыштылар.

Татарстан Рәисе шулай ук Чаллыда тарих-туган якны өйрәнү музеенда булды. Бөтенсоюз хезмәт эстафетасының тәмамлануын символлаштырган эстафета факелы аеруча игътибарны җәлеп итте. Бу факел 14 бөтенсоюз удар төзелешендә булды һәм шәһәргә мөһим тарихи артефакт буларак тапшырылды.

Рөстәм Миңнеханов шәһәр тарихы буенча экскурсияне игътибар белән тыңлады һәм эстафета факелын карады. Татарстан рәисе музейга теләкләрен белдерде һәм мактаулы кунаклар китабында язу калдырды, дип хәбәр итә «Татар-информ».