1 апрельдән пенсияләр арта: Татарстанда кем өстәмә алачак

1 апрельдән социаль пенсияләр 6,8% ка индексацияләнәчәк — фаразланган инфляция дәрәҗәсенә туры китереп. Социаль пенсияләр берничә нигездә билгеләнә: картлык, инвалидлык, туендыручысын югалту, шулай ук ятим балаларга. Картлык буенча пенсия иминият пенсиясе билгеләнмәгән гражданнарга түләнә. Аны алу өчен кимендә 15 ел рәсми хезмәт стажы һәм 30 пенсия баллы кирәк.

Индексация автомат рәвештә башкарылачак, пенсионерларга гаризалар белән мөрәҗәгать итү яки документлар бирү кирәк булмаячак. 2026 елда социаль пенсиянең минималь күләме 9 424,1 сум тәшкил итәчәк. Әгәр бу түләү бердәнбер керем чыганагы булып хезмәт итсә, пенсионерга яшәү минимумы дәрәҗәсенә кадәр социаль өстәмә билгеләнә. Татарстанда быел ул 16 098 сумга тигез.