Татарстанда киләсе атнада -25 градуска кадәр суытачак

Киләсе атна уртасында кинәт суыту көтелә: 5 февральдә термометр баганалары -25 градуска кадәр төшәргә мөмкин.

«Татар-информ» мәгълүмат агентлыгы белән әңгәмәдә «Метео» фаразлау үзәге җитәкчесе Александр Шувалов хәбәр иткәнчә, якындагы көннәрдә һава торышы бер җылытып, бер суытачак. Атна ахырына кадәр тагын бер кыска вакытлы җылыну мөмкин. Шул ук вакытта кар рәвешендәге явым-төшем дүшәмбегә кадәр дәвам итәчәк һәм айлык норманың яртысына кадәр яварга мөмкин.