Күпфункцияле гаилә үзәкләренә Татарстаннан 85тән артык гаилә мөрәҗәгать итте

2025 елның декабрендә Әлмәттә һәм Казанның Авиатөзелеш районында эшли башлаган үзәкләрдә ата-аналарга социаль хезмәтләр турында тулы мәгълүмат һәм «бер тәрәзә» аша индивидуаль ярдәм күрсәтелә.

ТР Хезмәт, халыкны эш белән тәэмин итү һәм социаль яклау министрлыгы мәгълүматы буенча, мөрәҗәгать итүчеләр арасында төрле социаль куркыныч астында торган гаиләләр, махсус хәрби операциядә катнашучыларның яқыннары, шулай ук әти-әни хокукыннан мәхрүм ителү яки торгызу мәсьәләләре белән борчылучылар бар. Һәр гаилә белән эшләү индивидуаль рәвештә алып барыла, кайберләре белән очрашулар даими дәвам итә.

«Гаиләләр белән психологлар һәм социаль педагоглар эшли. Алар диагностика үткәрә, мөнәсәбәтләрдәге проблемаларны ачыклый һәм аларны чишү юлларын тәкъдим итә», – дип белдерде министрлык урынбасары Юлия Абдреева.

Күпфункцияле гаилә үзәкләре эшчәнлеген «Гаилә» илкүләм проекты кысаларында алып бара.