Казан метро станциясендә бер ир-ат поезд алдында рельска егылып үлгән

Казан метрополитенының «Җиңү Проспекты» станциясендә ир-ат килүче поезд каршында рельска егылып төшә, ул һәлак була.

«Татар-информ»га билгеле булганча, 50-55 яшьлек булган. Булган хәлнең сәбәпләре әлегә ачыклана.

«Метроэлектротранс» та элегрәк хәбәр ителгәнчә, «Җиңү Проспекты» һәм «Имәнлек» станцияләре техник сәбәпләр аркасында вакытлыча ябылган. Урында белгечләр һәм ашыгыч хезмәтләр эшләгән.