Синоптиклар Яңа ел төнендә Татарстанда нинди һава торышы булачагын хәбәр итте

Татарстан Республикасында Яңа ел алдыннан һава температурасы -9 градуска кадәр төшәчәк, ә 1 гыйнварда һава температурасы -11 градуска җитәчәк, дип хәбәр итә Татарстан Республикасы Гидрометеорология үзәге.

Һава торышы фаразына караганда, 31 декабрьдә төбәктә болытлы булачак, кар явуы көтелә. Урыны белән буран булырга мөмкин. Җил көньяк-көнчыгыштан, секундына 6 метрдан 11 метрга кадәр, урыны белән тизлеге секундына 15 метрга кадәр булачак. Юлларда бозлавык, кар көртләре.