ТР юстиция министрлыгында пенсияне яңадан исәпләү өчен кая мөрәҗәгать итәргә кирәклеге турында сөйләделәр

Пенсия һәм аны яңадан исәпләү Казан халкын аеруча борчыган тема булып чыкты.
«Россиянең социаль фондына билгеләнгән пенсия суммасын яңадан санау таләбе белән теләсә кайсы пенсионер мөрәҗәгать итәргә хокуклы – эшләүче дә, эшләмәүче дә», – дип аңлаттылар консультацияләрдә катнашкан юристлар.

Түләүләрне арттыру өчен гражданнар МФЦга яки яшәү урыны буенча СФР бүлегенә мөрәҗәгать итә алалар. Моннан тыш, дәүләт хезмәтләре порталында яки СФР сайтында шәхси кабинет аша гариза бирергә мөмкин. Мөрәҗәгатьне карау срогы документлар кабул ителгән көннән алып 5 эш көне тәшкил итә.

Чарага йомгак ясап, Татарстан республикасы юстиция министрлыгында 18 гражданның ярдәм сорап мөрәҗәгать итүе турында сөйләделәр. Пенсияләрне яңадан исәпләүдән тыш, алар еш кына мирас, өлешләп төзү һәм кулланучылар хокукларын яклауга кагылышлы мәсьәләләр белән кызыксындылар. Гражданнарга Татарстан Дәүләт юридик бюросы юристлары, адвокатлар, шулай ук федераль һәм республика хакимият органнары вәкилләре консультацияләр бирде.

"Мондый чараларны уздыру сәламәтлеге мөмкинлекләре чикләнгән кешеләр өчен аерым әһәмияткә ия. Бердәм кабул итү форматы инвалидларга бер урында кирәкле консультацияләр алырга ярдәм итте» аларны төрле оешмаларга мөрәҗәгать итү кыенлыкларыннан арындырды", - дип сөйләде министрның беренче урынбасары Илья Гомзик.