Татарстанда юлларны ремонтлауга 82 миллиард сумнан артык акча сарыф ителде

Быел Татарстанда юлларны ремонтлауга һәм төзүгә рекорд күләмдә – 82,2 миллиард сум акча бүлеп бирелде. Шул сумманың 36,5 миллиард сумы авылларда һәм шәһәрләрдәге урамнарны төзекләндерүгә юнәлдерелде, бу халык тарафыннан җылы каршы алынды.

Республика транспорт министры Фәрит Хәнифов бу программаның «тиңдәшсез» икәнен һәм аның аркасында барлык торак пунктларда да яңа юллар барлыкка килүен билгеләп үтте.