Татарстанда федераль трассалар участокларын 256 млн сумга яктыртачаклар

Татарстанда федераль трассалар участокларын 256 млн сумга яктыртачаклар

Татарстанда федераль автомобиль юлларын яктыртуга ике ел эчендә 256 млн сум юнәлдереләчәк. Бу хакта «Идел-Вятскуправтодор» башлыгы Илдар Минһаҗев ТР Хөкүмәте йортында узган брифингта хәбәр итте.

"Автомобиль юлларын яктырту программасы өстенлекле. Тукталышларны, җәяүлеләр кичүләрен, авария куркынычы булган участокларны яктырту өчен 2026-2027 елларга акча бүлеп бирелгән инде", - дип сөйләде ул.

Мәсәлән, М7 трассасында Казаннан Шәле авылына кадәр һәм Казан – Оренбург автоюлының кайбер участокларында яктырту урнаштыру планлаштырыла, дип ачыклык кертте Минһаҗев.