Татарстанда 2025 елның 9 аенда 1,2 триллион сум налог җыелды

«Соңгы дүрт ел дәвамында без һәр ел бюджетка бер триллионнан артык салым кертәбез.2024 елда 1,595 триллион сум, ә 2025 елның 9 аенда гына – 1,2 триллион сум акча җыелды», – дип белдерде Сафиуллин.

2025 елның гыйнвар-сентбрь айларында иң күп керемне нефть чыгару өлкәсе китерде – 442,1 миллиард сум, бу барлык салымнарның 40% чамасы. Ләкин дөнья базарлардагы бәяләрнең төшүе сәбәпле, бу күрсәткеч 2024 елның шул ук чорына караганда 24% ка кадәр кимегән.

Икенче урынны əйләнә-тирәдәге кыйммәт салымы НДС били. Аның өлеше – 27% тирәсе, яки 321 миллиард сум. Бу салым буенча керемнәр үткән елга караганда 40% ка үскән. Бу үсеш продукциянең күләме һәм сатуның артуы, шулай ук товарлар һәм хезмәтләр бәяләренә күтәрелү белән бәйле.

Өченче урында – оешмаларның табышына салым (177 млрд сум, яки 14,7%). 2024 ел белән чагыштырганда, керем 13,5% ка үскән, моңа төп сәбәп булып 2025 елның 1 гыйнвареннән салым ставкасының 20% тан 25% ка кадәр күтәрелүе булды.

Шул ук чорда физик затларның кеременә салым 154 миллиард сумны, яки гомуми сумманың 12,8% ын тәшкил итте. Ул үткән елга караганста 20,5% ка үсте – моңа хезмәт хакларының, премияләрнең үсеше, эш урыннары санының артуы һәм 2025 ел башыннан прогрессив НДФЛ ставкалары системасының киңәюе ярдәм итте.