Түбән Кама Россиянең яңа туристик маршрутының төп ноктасы булырга мөмкин

Түбән Кама Россиянең яңа туристик маршрутының төп ноктасы булырга мөмкин

Түбән Кама Россиянең яңа уникаль туристик маршрутының төп ноктасы булырга мөмкин. Бу хакта шәһәр мэры Радмир Беляев хәбәр итте.

«Россия тимер юлларының федераль вәкилләре белән эшлекле киңәшмә уздырдык, алар хәзер яңа туристик проект эшли», – дип язды ул телеграм-каналда.

Киңәшмә барышында Түбән Каманың туристлык объектлары, алар арасында Түбән Кама термалары, «Люксор» кунакханә комплексы, Красный Ключ табигый чыганагы һәм башка урыннар тәкъдим ителде.

Беляев билгеләп үткәнчә, килешүләргә ирешкән очракта Түбән Кама Татарстанда мондый форматтагы беренче сынау проекты булырга мөмкин.

Аның сүзләренчә, проект өстәмә туристлык агымнарын җәлеп итәргә мөмкинлек бирәчәк, инфраструктура үсешен стимуллаштырачак һәм бизнес өчен яңа мөмкинлекләр тудырачак, шәһәрнең федераль дәрәҗәдә танылуын арттырачак.