Татарстанда йорт чатларының яртысыннан артыгы MAXка күчкән

Татарстанда йорт хуҗалыклары чатларын цифрлаштыру буенча зур уңышларга ирешелде.Хәзерге вакытта республика буенча 18 мең 111 йорт чатының 11 мең 051е ягъни 61%тан артыгы MAX илкүләм мессенджерына күчерелгән. Бу турыда Татарстан Республикасы төзелеш, архитектура һәм коммуналь хуҗалык министры Марат Айзатуллин Хөкүмәт йортында узган киңәшмә вакытында хәбәр итте.

Министр билгеләп үткәнчә, республиканың егерме муниципаль берәмлегендә йорт чатларын күчерү эше тулысынча тәмамланган, ә алты территориядә әле бу күрсәткеч 30%тан да түбәнрәк.