#Татар-информ 06 ноябрь 2025, 17:21

Татарстан буенча Эчке эшләр министрлыгы халыкны «Халык участковые-2025» Бөтенроссия конкурсында катнашырга чакыра

06 ноябрь 2025, 17:21

Татарстанда яшәүчеләр, Тукай районы участковыены майор Илдар Вәгыйзовны «Халык участковые-2025» бәйгесендә яклый ала. Украинаның ракета һөҗүме вакытында ул 53 кешене коткарган, ә хәзер сез аңа тавышыгыз белән ярдәм итә аласыз.

Скопировать ссылку

Сез Россия Эчке эшләр министрлыгының Тукай районы буенча бүлеге участок полиция хезмәткәре, майор Илдар Вәгыйзовны яклап тавыш бирә аласыз.

Илдар Вәгыйзов Эчке эшләр органнарында 1998 елдан хезмәт итә. Хезмәт бурычларын үтәгәндә, ул Төньяк Кавказ төбәгендә һәм Херсон өлкәсендәге хәрби хәрәкәтләрдә катнашкан.

2023 елның 18 июлендә Украина кораллы көчләре тарафыннан Рыково авылына ясалган һөҗүм вакытында Илдар Вәгыйзов хезмәт автобусы белән ату зонасыннан 53 авыл кешесен коткарып чыккан.

Тавыш бирү өчен, түбәндәге сылтама аша күчегез һәм битнең аскы сул почмагындагы йөрәк символына басыгыз. Сылтама һәм QR-код Татарстан буенча Эчке эшләр министрлыгының рәсми сайтында урнаштырылган. Тавышларны 2025 елның 10 ноябренә кадәр игълан итәчәкләр.