«Батырлар. Татарстан геройлары» программасына 1,6 меңнән артык гариза килгән

«Батырлар. Татарстан геройлары» проектына карата ветераннар һәм махсус хәрби операциядә катнашканнардан 1604 заявка җибәрелгән. Бу турыда Татарстан Республикасы Дәүләт Советының 9нчы утырышында Премьер-министр Алексей Песошин хәбәр итте.

Программаның төп максаты – дәүләт һәм муниципаль идарә органнарында, шулай ук башка өлкәләрдә җитәкчелек вазифаларына  перспективалы кадрлар әзерләү.

Песошин ассызыклавынча, Татарстан Хөкүмәте «Ватанны саклаучылар» фонды, муниципалитетлар һәм эш бирүчеләр белән бергәләп, махсус хәрби операция ветеранарына һөнәри белем бирү, эш табу, реабилитация һәм социаль ярдәм күрсәтү буенча эш алып бара.