350 меңнән артык республика кешесе Covid-19 буенча кайнар линиягә мөрәҗәгать иткән

122 номеры буенча кайнар линиягә 350 меңнән артык татарстанлы мөрәҗәгать итте.

Көн саен операторлар вакцинациягә язылу, коронавирус симптомнары һәм табибны өйгә чакыртуга кагылышлы 2 меңгә якын шалтырату кабул итә. 

Җавапны көтүнең уртача вакыты – 6 секундтан артык түгел, ә сөйләшүнең уртача вакыты-2,5 минут. Республика халкына сменага 70 оператор консультация бирә.

Вакцинациягә язылу опциясе 2021 елның гыйнварыннан башлап ачык.