Татарстанның балалар психологы яшүсмерләрдәге депрессия турында сөйләде

Төшенкелек бөтен кешедә дә булырга мөмкин, шуңа күрә ата-аналарның иң мөһим бурычларының берсе-баланың үз-үзен тотышында кечкенә үзгәрешләргә дә игътибар итү. Бу хакта “Росток” психологик-педагогик тернәкләндерү һәм коррекция үзәге директоры Дарья Охотникова Андрей Кузьминга биргән интервьюсында сөйләде.

“Кызганычка каршы, хәзерге вакытта психиатрлар үсмерләрдә күңел төшенкелеге артуын әйтә. Ул чакта ата-ана һәм янәшәдәге өлкәннәр үсмергә аеруча игътибарлы булырга тиеш”, - диде ул.

Психолог фикеренчә, ата-аналар үзләренә дә игътибарлы булырга тиеш. Чөнки, әгәр өлкән кеше тыныч булса, ул баласына да ярдәм итә ала. 

"Баналь киңәш — сөйләшү. Балаларыгызны тыңларга өйрәнегез. Хәзерге яшүсмерләр бик акыллы. Алар үз фикерләрен ишеттерергә телиләр, үзләрен иркен тоталар”, — дип сөйләде Охотникова.

Шул ук вакытта бала һәрвакыт ата-ананың мәхәббәтен тоярга тиеш. Балигъ булмаган балага өлкәннәр аның өчен нәкъ менә шул хис аркасында борчылуын искәртергә кирәк.