Әлмәттә спорт сөючеләр йөгерү ярышында катнашты

Актив яшәү рәвешен яратучы әлмәтлеләр 27 сентябрьдә 9:00 сәгатьтә шарлавыклы буаларда «S95» йөгерешендә катнашты. Бу «RunAlmet» йөгерүчеләр клубы оештырган чара.

«S95» йөгерешенең исеме түбәндәгечә аңлатыла: S — шимбә, 9 — башлану вакыты, 5 — 5 километрлы дистанция. Чара сәламәт яшәү рәвешен һәм актив ял итүне популярлаштыруга юнәлдерелгән «Татарстанда җәй» проекты кысаларында узды.