Әлмәттә беренче студентлар арасында футбол фестивале булды

Беренче студентлар футбол фестивале Әлмәттә узды. Егетләр белән бергә кырга кызлар чыкты. 

Проект 2019 елда эшли башлады. Ул вакытта мини футбол ярышларыннан башлаганнар. Кибер-турнирлар аерым оештырылды.

- Фестиваль кысаларында без барысын да берләштердек. Бездә өч урын бар: бер мини-футбол турниры, челлендж, футбол фристайлы һәм кибер-FIFA спорт турниры. Команда һәм шәхси зачетлар булачак, - дип хәбәр итте Әлмәт студентлары лигасының физкультура һәм спорт юнәлеше җитәкчесе Риман Сабуров.

Һәр командада 10 кеше. Алтысы мини-турнирда җиңү өчен көрәшкән арада, һәр җыелмадан икешәр уенчы футбол кырына виртуаль рәвештә чыга-кибер-спорт турнирында катнаша. Ә уеннар арасындагы тәнәфесләрдә командадан тагын икешәр кеше футбол фристайлында көч сынашты.

Футбол фестивален балалар һәм яшьләр эшләре идарәсе, физик культура, спорт һәм туризм идарәсе ярдәмендә студентлар лигасы оештырды.