Әлмәт йөзүчеләре Пензадан җиңү белән кайтты

Пенза шәһәрендә 2022 елның 7 мартыннан 11 мартына кадәр йөзү буенча Идел буе федераль округы чемпионаты һәм беренчелеге узды.

Төбәкара ярышларда Идел буе федераль округының иң көчле 748 йөзүчесе - 432 ир - ат һәм 316 хатын-кыз, 19 клуб катнашты.

Татарстан Республикасы командасы составында Әлмәт шәһәренең 4 спортчысы - балалар-яшүсмерләр спорт мәктәбендә шөгыльләнүчеләр катнашты.

Киеренке көрәш нәтиҗәсендә безнекеләр бик яхшы нәтиҗәләр күрсәттеләр:
Эдуард Вәлиәхмәтов 200 м га комплекслы йөзүдә 1 урын һәм 400 м га комплекслы йөзүдә 3 урын алды. 

Командалар арасында 4х100 м га ирекле стиль белән йөзүдә Яковлев Роман һәм Нәҗипов Реналь 2 урынны яуладылар.

Спортчыларыбызны һәм аларның тренеры Валиахметова Светлана Ринатовнаны котлыйбыз! Горурланабыз!

Россия чемпионатында һәм беренчелегендә уңышлы чыгыш ясауларын, бары җиңүләр генә телибез!