Әлмәттә «INDOOR TRIATLON» триатлон ярышлары узды

19 февральдә «Мирас» спорткомплексында «INDOOR TRIATLON»триатлон буенча ярышлар узды.

Финишка кадәр катнашучыларга бассейнда 300 м йөзәргә, 8 км велотренажерда узарга һәм 2 км йөгерергә кирәк иде.

Аларның һәркайсы яхшы спорт әзерлеге белән генә чикләнмичә, яхшы нәтиҗәләр дә күрсәтте.

Ярышлар нәтиҗәләре буенча хатын-кызлар арасында Еромасова Надежда, Динә Хөсәенова, Марина Данилова призлы урыннар алдылар. Ир-атлар арасында иң яхшы нәтиҗәләрне Әнүзәр Юнысов, Альберт Исхаков, Александр Егоров күрсәттеләр. 

  Финишта барлык катнашучыларга истәлекле футболкалар тапшырылды.

Триатлон елдан-ел популярлаша бара һәм Әлмәт шәһәренең йөзү федерациясе президенты Ренат Ногайбәков һәм районның физик культура һәм спорт  идарәсе ярдәме белән шәһәрдә үсә.

Фото: Әлмәт районы башлыгы матбугат хезмәте