Әлмәттә берьюлы берничә автомобиль бәрелеште

Әлмәттә Ленин-Җәлил урамнары чатында  юл-транспорт һәлакәте булды.

Һәлакәт урынында берничә ашыгыч ярдәм бригадасы эшли.

Бүген, 5 ноябрьдә, Әлмәттә Ленин-Җәлил урамнары чатында массакүләм юл-транспорт һәлакәте булды. Бу хакта шаһитлар хәбәр итә.

Авария шаһитлары җибәргән фотолардан күренгәнчә, юл-транспорт һәлакәтендә кимендә 3 автомобиль катнашкан. Шаһитлар әйтүенчә, вакыйга урынына 3 ашыгыч ярдәм бригадасы килгән.

Авариянең сәбәбе ачыклана.