Әлмәттә политехник техникум студентлары белән юл хәрәкәте куркынычсызлыгы турында профилактик чара узды

Дәүләт автоинспекциясе хезмәткәрләре студентларга юл тозаклары, юл аша чыгу вакытында мобиль җайланмалар һәм наушниклар куллануның рөхсәт ителмәве турында сөйләделәр. Авыр җәрәхәтләр яки үлем белән тәмамланган авария сәбәпләрен конкрет фактлар белән аңлаттылар.

Шулай ук юл кырыенда куркынычсызлык кагыйдәләре һәм тәүлекнең караңгы вакытында киемдә яктылык кайтаручы элементлар куллану кирәклеге турында искә төшерделәр. Студентларның аерым игътибары механик транспорт чаралары белән идарә итүнең рөхсәт ителмәвенә юнәлтелде.