Әлмәттә үсмерләр өчен автобәйге узды

Әлмәттә ДОСААФ автомәктәбе базасында егетләр һәм кызлар командалары  автомобиль йөртүдә ярышты. 

Конкурсның бурычлары: яшьләр арасында юл хәрәкәте кагыйдәләрен белүне ныгыту; укучыларны юл хәрәкәте иминлеген пропагандалауда катнашуга җәлеп итү; яшь машина йөртүчеләрдә юлда җаваплылык хисе формалаштыру; яшьләр арасында транспорт чаралары йөртү культурасын тәрбияләү.

Ярышлар  ике этапта узды: теоретик (юл хәрәкәте кагыйдәләрен белү) һәм практик (автомобильне фигуралы  йөртү).

Конкурс нәтиҗәләре буенча шәхси зачетта иң яхшылар дип юл хәрәкәте кагыйдәләрен белүдә Гыйсматуллин Илһам;  автомобильне фигуралы йөртүдә Халиков Бакир танылды.

Команда зачетында 1 урында 6 нчы урта гомуми белем бирү мәктәбе,
2 урынны Түбән Мактаманың 2 нче урта гомуми белем бирү мәктәбе алды,
3 урын-ДОСААФ автомәктәбе. 

Фото: Әлмәт автоинспекциясе