«Тоннель» рейды вакытында Әлмәт автоинспекторлары юл хәрәкәте кагыйдәләрен бозуның 12 очрагын ачыклаган

26 октябрьдә 17-18 сәгатьләрдә Әлмәт автоинспекторлары «Тоннель» рейды үткәрделәр. Махсус чара Казан-Оренбург юлында узды. Бу хакта Әлмәт ЮХИДИ бүлеге хәбәр итә.

Бер сәгать эчендә инспекторлар 45 автомобильне тикшерә алдылар. Барлыгы 12 юл хәрәкәте кагыйдәләрен бозу очрагы ачыкланды. 5 машина йөртүчегә куркынычсызлык каешлары өчен штраф салынды, тонировка өчен, дәүләт номерлары һәм тахографы булмаган өчен штрафлар салынган.

Хокук бозучылар арасында 4 җәяүле дә булган.