Әлмәттә «АВТОСЕССИЯ-2021» машина йөртү осталыгы бәйгесе узды

Конкурста 5 команда көч сынашты, алар — республиканың көньяк-көнчыгышындагы 4 район вәкилләре: Әлмәт, Сарман, Бөгелмә, Зәй.

Студентлар дәүләт техник каравын узуда, юл йөрү кагыйдәләрен белүдә, җиңел автомобильне фигуралы йөртүдә көчләрен сынап карадылар.  

Киеренке көрәш нәтиҗәсендә номинацияләрдә иң яхшы катнашучылар ачыкланды. Юл йөрү кагыйдәләрен иң нык белүче булып, Зәй политехника көллияте студенты Павлушкин Вадим танылды, автомобильне фигуралы йөртүдә шәһәрнең нефть институтыннан Нуриев Булатка тиңнәр булмады.

Бәйгедә Зәйнең политехника көллияте техникумы командасы җиңү яулады, 2 урында Әлмәт дәүләт нефть институты командасы булды, 3 нче урынны Бөгелмә һөнәри-педагогика көллияте командасы алды.