#Сәламәтлек сагында1111 16 сентябрь 2018, 14:14

Балалар даруларны бушлай алуга хокуклы

16 сентябрь 2018, 14:14

“Россия Федерациясендә гражданнарның сәламәтлеген саклау нигезләре турында”Федераль законның (№323-ФЗ, 21 ноябрь 2011ел) 7маддәсе 2өлеше нигезендә медицина ярдәме күрсәткәндә балаларга өстенлек каралган.

Скопировать ссылку

Даруларны бушлау алу хокукына түбәндәге категория балалар ия:

-өч яшькә кадәрле балалар, шулай ук күп балалы гаиләләрдә тәрбияләнүче 6 яшькә кадәрле балалар;

-18 яшькә кадәрге инвалид балалар;

-гражданнарның гомерен кыскартуга яисә инвалидлыкка китерүче сирәк хроник авырулардан интегүче балалар;

-диабет, бронхиаль астма, онкологик һәм башка авырулардан интегүче балалар.

Даруларны бушлай алу өчен дәвалаучы (участок) педиатрга мөрәҗәгать итү кирәк. Шул ук вакытта мәҗбүри медицина иминиятләве полисы (СНИЛС), баланың туу турындагы таныклыгы, диагноз кую турында баш белгечләр бәяләмәсе, шулай ук күп балалы гаиләнең таныклыгы яисә инвалидлык турында белешмә (тиешле категория бирелгән очракта).

Дарулар рецепт нигезендә ташламалардан кулланучы гражданнарны дарулар белән тәэмин итүче даруханәләрдән алына. Даруханәләрнең исемлеген рецепт бирүче медицинана учреждениеләреннән дә алып була.

http://zainsk-rt.ru

фото:pixabay.com