Әлмәттән МХО ветераны Мәскәү дәүләт халыкара мөнәсәбәтләр институты филиалында белем ала

Әлмәттән МХО ветераны Алексей Нестеров МДХМИ филиалында «Шәһәр инфраструктурасы һәм территорияләрне үстерү белән идарә итү» программасы буенча белем ала. Ике айга исәпләнгән укыту җиде модульне үз эченә ала, алар катнашучыларга шәһәр территорияләре белән нәтиҗәле идарә итү өчен кирәкле компетенцияләр формалаштырырга ярдәм итәчәк.

Алексей Нестеров һәм Казаннан аның хезмәттәше Ранил Зиннәтуллин Мәскәү һәм Мәскәү өлкәсенең инфраструктура объектларында теоретик лекцияләр, практик дәресләр һәм күчмә чараларны үз эченә алган укуларга керештеләр. 

"Барысы да ошады, барысы да бик яхшы оештырылган. Яхшы кунакханәгә урнаштык. Өстәвенә, башка төбәкләрдән килүчеләр белән очраштык һәм аралаштык. Минем бары тик уңай хис-кичерешләрем генә бар", - дип уртаклашты Алексей Нестеров "Әлмәт-информ" редакциясе белән. 

фото: "Ватанны Саклаучылар" Фонды