Белгеч киңәше. Аллергиядән саклану ысуллары

Карап торуга ул салкын тиюне яки гриппны хәтерләтә. Чәчәк ату чоры узып киткәч, аллергия акрынлап бетә. Көзен һәм кышын кеше сау-сәламәт йөри, ә инде язгы-җәйге айлар җитеп, үсемлекләр яңадан чәчәк ата башлагач, авыру тагын кабатлана. Кайбер кешеләр җир җиләге дә ашый алмый. Улаларга аллергия бирә. Белгечләр әйтүенчә, бронхиаль астма да аллергиянең бер төре санала. Астмалы кешеләргә аеруча авыр. Аларның тыны кысыла, суларга һава җитми. 

Җәйге чорда бал кортына аллергия булган кешеләргә аеруча сак булырга киңәш ителә. Корт чакканнан соң, тиз арада медицина ярдәме күрсәтелмәсә, кеше хәтта үләргә дә мөмкин. 

Галимнәр аллергиянең сәбәбе – аллерген дигән фикергә килгәннәр. Ул кешене аллергия хәленә китерә торган матдә. Әлеге матдәләр һавада, җирдә, гөл-чәчәкләрдә, кием-салымда, түшәк-мендәрдәге мамыкта, төрле хайван йонында, хәтта азыкта да очрый. Микроскоп аша гына күренә торган күпсанлы микроблар һәм вируслар, кайбер бөҗәкләрнең бүлендекләре дә, төрле химик матдәләр, әйтик, бензин, бензол, буяулар да аллерген була ала. Аллерген кеше организмына азык белән, сулыш юллары аша һәм тире аркылы керә. Кайбер аллергеннар организмга дарулар белән дә эләгә. Аллергия авыруы иммунитетка нык бәйле. Балачактан ук спорт белән шөгыльләнү, организмны чыныктыру, шәхси гигиена таләпләрен саклау әлеге авырудан саклану чаралары булып тора. Кайбер кешеләрдә аллергия авыруының нәселдән килүен дә ачыклаган табиблар. Әгәр аллергияле гаиләдә бала туа икән, әти-әниләргә читтән аллергеннар керттермәү өчен саклык чараларын күрү сорала. Мондый гаиләләрдә эт, песи тотарга ярамый. Аллергиядән сакланырга, организмны савыктырырга халык медицинасы да ярдәмгә килә. Әгәртәнгә аллергия чыга икән, ромашка, эт тигәнәге сулары белән юынуның файдасы тия. Иң мөһиме – аллергеннарбелән очрашмаска тырышырга кирәк.

Резеда Исмәгыйлева әзерләде