Әлмәттә район үзәк хастаханәсенең яңа корпусын төзү проекты турында фикер алышалар

Әлмәттә үзәк район хастаханәсенең яңа корпусын төзү проекты турында фикер алышалар. Бу кабул итү-диагностика бүлеге булачак. Район башлыгы Тимур Нагуманов учреждение территориясен карап чыкты. Проект әлегә тикшерелә. 

Шулай ук комиссия 24 мәктәп янындагы төзелеп килүче футбол манежын да карады. Объектның мәйданы-800 квадрат метр тирәсе. Анда җылытыла торган бүлмәләр, киенү-чишенү бүлмәләре һәм душ бүлмәләре булачак. Объектны ел ахырына якынрак тапшырырга планлаштыралар. Хәзерге вакытта объектта электромонтаж эшләре тәмамланып килә.