Рөстәм Миңнеханов антисептик чаралар белән тәэмин итү мәсьәләсен шәхси контрольгә алынды

Бу хакта республика җитәкчесенең матбугат хезмәте хәбәр итә.

Рөстәм Миңнеханов дезинфикцияләү чараларын җитештерү күләмен арттыру турында сөйләшү өчен предприятиегә  барды. «Аромат» сәнәгать һәм автотранспорт предприятиеләре өчен гадәти һәм зур савытта да антисептик җитештерә ала. Моның өчен компаниягә махсус акциз кирәк.

Рөстәм Миңнеханов әлеге мәсьәләне шәхси контрольгә алды, чөнки сүз кешеләрнең куркынычсызлыгын тәэмин итү турында бара.

«Интернетта хәзер югары бәядән антисептик чаралар тәкъдим итүче спекулянтлар таралды. Моңа юл куярга ярамый. Сәүдә һәм даруханә челтәрләре аша тиешле күләмдә антисептиклар сатуны тәэмин итәргә кирәк», - диде Татарстан Президенты.

Кичә Татарстанда республика җитәкчесе күрсәтмәсе белән идарә органнары һәм гадәттән тыш хәлләрне кисәтү һәм бетерү буенча территориаль өстәмә система көчләре өчен югары әзерлек режимы кертелде.

Фото:Владимир Васильев

Чыганак