#Җәмгыять 16 апрель 2018, 08:31

Кул киптергечләр зыянлы

16 апрель 2018, 08:31

Җәмәгать бәдрәфләрендә урнаштырылган кул киптергечләрдә кешеләр сәламәтлегенә зарарлы бактерияләр “мыжгып” тора дигән фикердә Америка галимнәре. Алар тикшеренүләрен Applied and Environmental Microbiology журналында бастырып чыгарган.

Скопировать ссылку

Эксперимент барышында Коннектикут унверситеты микробиологлары савытларны өч төрле урыннарга: берничәсен – ачык һавага, берничәсен – кул киптергечләр астына, калганнарын талгын гына искән һава агымы астына куйганнар. Эксперимент нәтиҗәсендә нәкъ кул киптергечләр астына куелган савытларда бактерияләрнең күплеге ачыкланган.

Кул киптергеч астындагы савытларда 18-60 колония бактерия җыелган. Вентилятор астындагы савытта - 5-12 колония. Ачык һавадагы савытта исә 1 колониядән азрак бактерияләр хасил булган. Бактерияләр составында Bacillus subtilis таякчыкларын тапканнар. Галимнәр алар җитдирәк бактерияләрне дә күчерергә мөмкин дип исәпли.

фото: http://mamaplus.md

http://www.omet-rb.ru/41-d-nyada-nil-r-bar/7-kul-kiptergechl-r-zyyanly