Татарстан автомәктәпләре антирейтингында Әлмәт алда бара

Лидерлар исемлеген Кама Тамагы «Багира» автомәктәбе җитәкләде. 1 тапкырдан теоретик имтиханны укучыларның 74%, полигонны 96%, ә шәһәрне 95% тапшырды. Икенче урында ТР ОСТО (Буа), өченче урында «Илона» автомәктәбе (Нурлат) тора.

Казан автомәктәпләре арасында «А-Мастер Класс» автомәктәбе яхшы позициядә, 24 нче урында. Түбәндәге 179нчы урында Яр Чаллы шәһәренең «Руц» мәктәбе. Аны тәмамлаучыларның 3 проценты гына 6 ай эчендә беренче тапкыр барлык имтиханнарны да тапшыра алган.

Анти-Рейтингка җитди нәтиҗәләр белән юл-транспорт һәлакәтләрендә катнашучылар укыган мәктәпләр керде. Анда ике елдан азрак стажлары булган автомәктәпләр җыелган.

Әлмәттәге «Джек 116» автомәктәбе аутсайдерлар рейтингында лидер булды. Узган 2 елда ул нибары 28 кешене укыткан, шуларның берсе авыр юл-транспорт һәлакәтендә катнашкан.