Әлмәттән «Новация» идарәче компаниясенә йортка начар хезмәт күрсәткән өчентагын штраф салдылар

Ленин урамындагы 80 нче йортка хезмәт күрсәтүдә күп санлы хокук бозуларөчен “Новация" гә 125 мең сум штраф салынды. Бу хакта ТР Дәүләт торак инспекциясе хәбәр итә. Белгечләр түбәдә боз сөңгеләре, ватык подъезд ишеге, стеналардагы буяулар, асылынып торган чыбыклар һәм чормага бикләнмәгән ишек тапканнар. Бу проблемалар яшәүчеләргә уңайсызлыклар тудыра һәм аларның иминлегенә куркыныч яный.

«Новация» идарәче компаниясе яңадан җәзага тартылды, ә җитешсезлекләрне бетерү күзәтчелек органнары тарафыннан контрольдә тотыла.