Әлмәт районында «Учук» фестивале узды

Узган ял көннәрендә Иске Суркино авыл җирлегендә Кама аръягы чуашларының ХХ юбилей фестивале «Учук» киң колач белән узды. Гасырлар аша үткән бу борынгы йола янә йөзләгән кунакны җыйды.

Авыл халкы, ата — баба йолаларына тугры калып, бергәләп үгез сатып алу өчен акча җыйган, ә бердәмлек символы булган ритуаль ботка берьюлы 9 казанда пешкән. Бәйрәмнең географиясе тәэсирләндерде: фестивальгә Әлмәт, Чирмешән, Лениногорск, Яңа Чишмә районнарыннан һәм Чаллыдан килгән иҗат коллективлары һәм осталары гына түгел, башка милләтләр ансамбльләре дә килде. "Учук"ны хаклы рәвештә дуслык һәм толерантлык фестивале дип атыйлар.

Театральләштерелгән пролог- «Тормыш агачы» тамашасы  авылның барлыкка килү тарихы һәм чуашларның бүгенге көндә дә яши торган үзенчәлекле традицияләре турында сөйләде.

Бәйрәм йола өлеше белән генә чикләнмәде: кунаклар өчен спорт мәйданчыклары һәм уен программалары эшләде, ә ярышларда җиңүчеләрне бүләкләр көтте. Чара «Татарстанда Җәй» республика проекты кысаларында уңышлы узды.