Җәйге сезонда Әлмәтне 90 меңнән артык чәчәк бизәячәк

Җәйге сезонда Әлмәтне 90 меңнән артык чәчәк бизәячәк

Шәһәрнең автомобиль юллары идарәсе эшчеләре шәһәрнең иҗтимагый киңлекләрендә чәчәк түтәлләрен һәм чәчәк бакчаларын планлы бизәүне дәвам итәләр.

Бүгенге көнгә 15 мең үсемлек утыртылган инде. Яшелләндерү эшләре шәһәрнең төп территорияләрендә, паркларда, скверларда һәм үзәк урамнар буенда алып барыла. Шевченко һәм Зарипов урамнары киселешендәге ярымтүгәрәктәге чәчәклекләрне бизәүне төгәлләделәр.

Чәчәк түтәлләрен бизәүдә — петуния, бәрхет, бегония, цинерария, колеус һәм циния кулланыла. Быел декоратив үсемлекләрнең барлыгы 29 сорты утыртылачак: дүрт сорт бәрхет, өч сорт бегония, бер сорт колеус, бер сорт цинерария һәм төрле сорт петуния.

Чәчәк композицияләре үсемлекләрнең шәһәр шартларына һәм җәйге һава торышына чыдамлыгын исәпкә алып сайлап алына. Чәчәк түтәлләре гадәттәгечә иҗтимагый киңлекләрне бизәячәк һәм шәһәрдә уңайлылык тудырачак.

Яшелләндерү эшләре дәвам итә. Яңартылган чәчәкләр Әлмәт халкын һәм кунакларны җәйге сезон дәвамында сөендерәчәк, дип хәбәр итә Әлмәт районы башлыгы матбугат хезмәте.

Фото:нейрочелтәр