Әлмәттә Дала Зәе елгасы аша тагын бер күперне төзекләндерәләр

Әлмәттә Дала Зәе елгасы аша тагын бер күперне төзекләндерәләр

2024 елда хакимият Рус Акташы — Азнакай автоюлындагы күперне капиталь ремонтлауга 382 млн сум юнәлдерелгән дип хәбәр иткән иде.

ТР Төзелеш, архитектура һәм торак-коммуналь хуҗалык министрлыгы Әлмәт шәһәренең Урсала микрорайонында Дала Зәе елгасы аша күперне реконструкцияләү проектын раслаячак. Документ хәзерге вакытта коррупциягә каршы экспертиза уза.

Проект Заречная урамында урнашкан күпер корылмасын комплекслы яңартуны күздә тота.

Ике ел элек Әлмәттә Рус Акташы-Азнакай автоюлында бу елга аша күпер төзекләндерелгән иде инде: «Имин сыйфатлы юллар» милли проекты кысаларында 382 млн сумга капиталь ремонт ясалган. Эшләр машина йөрү өлеше конструкцияләрен, пролетларны һәм күпер терәкләрен тулысынча алыштыруны үз эченә алган.