Күп фатирлы йортта мангал кулланган әлмәтле штрафка тартылды

 09 майда уяу яшәүчеләрдән Әлмәт шәһәре Пушкин урамы, 46 йорт адресы буенча урнашкан күпфатирлы йортта гомуми кухняда мангал яндырулары турында хәбәр килә.

Дәүләт янгын күзәтчелеге хезмәткәрләре килгәч, мәгълүмат расланды. Гаеплегә карата РФ КоАП 20.4 маддәсенең 2 өлеше буенча административ хокук бозу турында эш кузгатылган.

Әлмәт буенча янгын күзәтчелеге һәм профилактика бүлеге шуны искә төшерә: мангаллар һәм мичкәләр бары тик урамда гына, биналарга кадәр дистанцияне төгәл үтәгәндә (кимендә 5 метр), көчле җил булмаганда һәм кул астында сүндерү чаралары булганда гына рөхсәт ителә . Әмма подъездларда, гомуми балконнарда һәм күпфатирлы йортларның кухняларында ут кабызу һәрвакытта да һәм искәрмәләрсез тыела!