#Җәмгыять 07 май 2026, 10:34

Казан-Ижау юнәлешендә яңа комфортлы электропоездлар хәрәкәт итә башлый

07 май 2026, 10:34

Татарстан башкаласына ЭПЗД сериясендәге ике заманча электропоезд кайтты. Алар май аенда Казан – Ижевск – Казан маршрутында эшли башлаячак һәм пассажирларга югары дәрәҗәдәге уңайлыклар тәкъдим итәчәк.

Скопировать ссылку

Казанга ЭПЗД серияле ике яңа электропоезд килеп җитте. Бу заманча составлар искергән ЭД9М поездларын алыштырып, Казан – Ижевск – Казан юнәлешендә хәрәкәт итәчәк. Яңа поездларны эксплуатациягә кертү «Россия – Ислам дөньясы: КазаньФорум» халыкара икътисадый форумы ачылу вакытына туры китерелә.

Поездлар 12 майда, «Казанфорум» башланган көнне үз эшчәнлеген башлый. Һәрбер состав алты вагоннан тора һәм 540 пассажирны сыйдыра ала. Поездларда кондиционер, санузеллар, бар стойкасы, балалар өчен махсус зона һәм биләү өстәле кебек уңайлыклар каралган. Барлык өстәмә мөмкинлекләр гражданнарның теләк-гаризаларын исәпкә алып кертелгән.

ТР Транспорт һәм юл хуҗалыгы министры Фәрит Хәнифов сүзләренчә, яңа электропоездларда сәяхәт вакыты биш сәгатьтән бераз гына артык булачак. Шулай ук вагоннар брендлаштырылачак: бер поезд Удмуртиягә, икенчесе Татарстанга багышланачак. Быел Габдулла Тукайның тууына 140 ел тулу уңаеннан, брендлау эшләре шушы истәлекле датага багышланачак.

Шулай ук министр искәрткәнчә, Казан тимер юл вокзалы территориясен төзекләндерү эшләре актив бара һәм 11 майга кадәр тәмамланачак.

Татар-информ