Әлмәт районында быел беренче тапкыр талпан кадалуы теркәлгән

Әлмәт районында быел беренче тапкыр талпан кадалуы теркәлгән🌿
 
Татарстанда бу сезонда беренче тапкыр талпан кадалу очраклары теркәлде. Бу хакта «Татар-информ» хәбәр итә.

Ел башыннан Биектау, Әлмәт, Азнакай, Зеленодольск, Нурлат районнарында җиде кеше ярдәм сорап мөрәҗәгать иткән. Шулай ук Казанда яшәүче Сочида талпан эләктерүе турында хәбәр итте.

Бөҗәкләр ешрак урманнарда, куаклыкларда һәм биек үләннәрдә тереклек итә. Алар бигрәк тә караңгы һәм дымлы урыннарны яраталар.
Моннан тыш, аларны урман янындагы дача участокларында да очратырга мөмкин. Талпаннар иртә, кич актив була.